Tripura-ah BSF pakhat in a ṭhiante pathum kap hlum, amah inthat zui

Tripura-a Unakoti distroct chhunga Maguruli border outpost-ah Inrinni zan khan Border Security Force (BSF) sipai pakhat chuan a ṭhiante pathum a rifle-a a kahhlum hnuah amah pawh a intihlum zui niin Tripura police official chuan Pathianni khan a sawi.

BSF sipai pawi­khawih­tu hi Sishu Pal niin a ṭhiante nen hian an inhnialbuai a, hemi avang hian silai hi a hmetpuak ta niin police-te chuan an sawi a, a mi thah zingah hian head constable pawh a tel niin a sawi.

He thil thlenna hi BSF 55 Battalion chhung­ah niin BSF Deputy Inspec­tor General Mrityunjaya chuan thil thlen dan kimchang chhui chian mek a nih thu a sawi a, report kimchang pawh tihchhuah thuai a ni dawn tih a sawi a ni.