Assam Police Officer Bullet-proof jacket chhu ichiang dawn

Assam Chief Minister Sarbanada Sonowal-an Pathiannia thupek a siam, Zirtawpni kaltaa Police Officer hel kuta nunna chan ta Bullet-Proof Jacket hak quality ṭha tawk lo nia sawi chhuichiang tura a tih chu Assam Additional Chief Secretary Kumar Sanjay Krishna kaihhruaina hnuaiah chhuichian a ni dawn.

Kar kalta Zirtawpni zan khan Assam police leh ULFA helte inbeihnaah Bordumsa police station in-charge Bhaskar Kalita kahhlum a ni a, hemi hnu hian a bullet-proof jacket hak quality a ṭha tawk lo niin a nupui chuan a sawi a, Assam police ten bullet-proof jacket an hak chu a him tawh lo niin a sawi a ni. Kalita hian bullet-proof jacket ha reng tho mah se a awm-ah leh a pumah hliam a tuar a ni.

Chief Minister chuan Pa­thianni khan bullet-proog jacket quality chhia nia puhna chu an chhuichiang dawn tih a sawi a, thupek a chhuah tawh thu a sawi.

CM chuan Kalita thah a ni chu a dem thu a sawi a, hetiang inkahna thleng hian remna leh muanna, inpumkhatna chu a tichhia tih sawiiin hmasawnna tur pawh a tiṭhuanawp nasa hle tih a sawi bawk. Mitthi chhungte hi cheng nuai 20 pek an nih dawn thu sawiin, police officer thi ta hi a retire hun a thlen hma chu thlatin a hlawh zawng zawng a chhungte hnenah pek a la ni reng dawn tih a sawi bawk a ni.

Director General of Police Kuladhar Saikia chuan helte nena an inbeihnaa an hak ang bullet-proof jacket hi 2011-2013 chhung khan an dap vak tawh tih a sawi. Saikia chuan record te an enlet dawn thu leh thudik an haichhuah dawn thu a sawi a, Chief Minister in thupek a chhuah tawh bawk a, engkim a chiang thuai dawn a ni, a ti.