Meghalaya-ah political party thar ding

Assembly constituency pathuma by-election nei tura inbuatsaih mek, Meghalaya-ah political party thar din a ni leh.

FKJGP member hlui, HSPDP leader Ardent Miller Basaiawmoit chuan Thawh­lehni khan political party thar, Voice of the People Party (VPP) an din thu hi a puang a, official-in November thlaah tlangzarh an tum tih a sawi.

Shillong-a press confe­rence a neihah party thar an din thu hi VPP president Basaiawmoit chuan puangin, executive committee mem­ber-ten an ṭawiawm a ni. Basaiaw­moit chuan, "State chhung dinhmunte kan thlir a, political party awm mekten mipuite beiseina an phak loh ziate kan hmuhin, Meghalaya politics thlak danglam a, mipuite rawngbawltu turin party thar din hi kan rel ta a ni," tiin state mipuite pawh an state tana hna an thawh theihna tura hun ṭha pe turin an ngen nghal a ni.