Assam-ah Police-ten puak thei thil man
Assam-a Charaideo district-ah Thawhṭanni khan bomb leh a kaihhnawih thil phum ruk tamtham tak hmuchhuah a nih thu Police-te chuan an sawi.
Police-te chuan an thudawn bawhzuiin, Kanu Bhugbari thingtlang khuaah beihpui an thlak thu sawiin, in pakhat bulah heng puak thei thilte hi an laihchhuah thu an sawi a ni. An bomb laihchhuah zingah hian RDC kg 6, denonator remote control hmang, puak thei thil dang leh bomb siamna hmanrua tamtham tak a tel. Heng bakah hian sipai uniform-te pawh an man tel a ni.
Police-te chuan an thil laihchhuah hi an chhuichian mek thu sawiin, beipui pawh an la thlak chhunzawm zel dawn tih an sawi bawk.