Meghalaya : Inthlanna neihna tur Ambati-ah cheng nuai li chuang man
Meghalaya-a by-election neihna tur Ampati Assembly constituency chhungah motor pakhat aṭangin cheng nuai li aia tam pawisa man a nih thu, Thawhṭanni khan police official-te chuan an tarlang. Ampati Assembly Constituency-ah hian model code of conduct hman mek a ni.
Police-te chuan Garobadha thingtlang khaw bulah mi pakhat hnen aṭangin cheng 4,29,800 an man a, a mantu zingah election official team, static surveillance team, police bakah magistrate-te pawh an tel a ni. An mi man hi village employment council secretary a nih thu sawiin Mahatma Gandhi National Rural Employment Guarantee Act hnuaia sem tur a nih thu an tarlang. Income tax official-te chuan an mi man hi thu an la zawtfiah leh dawn a ni.
Election Code of Conduct hnuaiah hian cheng 50,000 bak vawikhatah mi pakhatin an kengchhuak thei lo a ni.
Ammpati Constituency by-election hi May 28 hian neih a ni dawn a, chief minister hlui Mukul Sangma inhnuhdawh avangin he bialah hian inthlan ṭhat a ngai dawn a ni. Meghalaya Assembly election pangai chu Fenruary 27 khan neih a ni tawh a ni.