Manipur CM in ‘Go to Village’ Mission thlirlet

Manipur Chief Minister N. Biren Singh chuan Thawhṭanni khan ‘Go to Village’ Mission ennawn leh thlirletna meeting a kaihruai a, he hunah hian Chief Secretary, DGP, Admi­nistrative Secretary-te leh department hrang hranga Head of Department-te an tel.

Meeting-ah hian Chief Minister chuan 'Go to Village Mission' motto chu mipuite duhna tihpuitlin a nih thu a sawi a, mipuite harsatna tawh a bulṭhut aṭanga hriatsak a pawimawh tih a sawi. Official-te chu mipuite harsatna tawh a rang thei ang bera hriatsak turin leh a chinfelna zawnga hma la thuai turin a chah bawk.

CM chuan department hrang hrang HOD-te chu Department Nodal Officer tur official pakhat ruatchhuak tura hriattirin an department chan huamchhunga mipuite harsatna tawh leh buaina awm te hriat tum tur te, thla khat chhunga heng buaina te hi chinfel sak turin a chah.

Biren Singh chuan department hrang hrang leh an HOD-te chu mi­ssion hlawhtling taka kalpui a nih theih nana an thawhpuina avangin lawmthu a hrilh bawk.

'Go to Village' Mission hi May 1 khan Manipur sokar chuan a tlangzarh a, mipuite mamawh an kawngka bula chinfel sak a nih theih nana hmalakna a ni. He mission hian state chhunga thingtlang khua zawng zawng a huam dawn a, kartin Thawh­lehni apiangin mipuite harsatna leh buaina tawhte ngaithlakna hun neih a ni ṭhin dawn a ni.

A hawn ni hian app­lication 60,339 dawnn ghal a ni a, heng zinga 21,353 chu an harsatna tawh te an ziahna a ni.