Sikkim-in nu hna neilote Rs 20,000 pe dawn

Sikkim sorkar chuan an state chhunga nu, hnathawh nei lote ṭanpuina tur scheme, Aama Yojana siamin Rs 20,000 ṭheuh a pe dawn.

Chief minister Prem Singh Golay chuan kum 2023 thlenga he scheme kalpuina tur hian state sorkar chuan budget, cheng vaibelchhe 100 a ruahman thu leh, kumin atan bik Rs vbc 32 a pekchhuah tur thu a sawi.

Chief Minister chuan, "He scheme hi nu, hna thawh nei lo tan bika duan a ni. A dawng thei tur chinte chu an bank account-ah direct-in Rs 20,000 thunsak an ni ang," a ti. He scheme hi nute zahna lantirna pakhat atana siam a nih thu sawiin, hamṭhatna dawng turte chu pasal nei lai, Sikkim electoral list-a chuang ngei a ni tur a ni, a ti.