Nagaland : Lok Sabha By-Poll Nomnation file hun khar ta

Nagaland Lok Sabha by-election-a ding tur hming thehluh hun tawp chu nimin kha a ni a, PDA leh NPF-te chuan an paty aiawh tur an thehlut tawh a ni.

Thawhṭanni thleng khan eng party mahin nomination an la thehlut lo a, mahse Thawhlehni khan eptu pawl Naga People’s Front (NPF) chuan an party aiawha ding turin C Apok Jamir hming chu an thehlut a, rorel lai ṭangrual pawl ni bawk People’s Democratic Alliance pawhin Nilaini khan an pawl aiawh turin Tokheho Yepthomi hming chu an thehlut ve leh ta bawk.

PDA hnuaiah hian Na­tionalist Democratic Prog­ressive Party (NDDP), BJP, Nationalist People’s Party leh Independent candidate-te an awm a, Tokheho Yepthomi hi NDPP mi a ni.

NDPP secretary general Abu Metha chuan PDA hruaitute chuan Nilaini khaan meeting an neih thu leh hemi ni vek hian nomination an file nghal thu a sawi.

Hetih lai hian Congress chuan nomination an file ve lo thung.

Nagaland Lok Sabha seat neih hi Chief Minister Neiphiu Rio-an inthlan dawna chief ministerial candidate-a nih tak avanga inhnuhdawh khan a ruak a, May 28 hian inthlanna hi neih a ni ang.

Lok Sabha inthlannaa ding tur hian May 3 aṭang khan nomiation file na hun hawn a ni tawh a, nimin thleng khan hun hawn a ni.