Manipur bomb puakah BSF pahnih thi

Manipur-a Imphal aṭanga Demapur panna kawnga Nilaini-a bomb puak avangin Border Security Force (BSF) pahnih in nunna an chan thu leh mi pakhatin hliam a tawrh thu BSF official-te chuan an sawi.

BSF thuchhuah chuan Improvised Explosive Device (IED) chu Nilaini chawhnu dar 1.30 a tihpuah a nih thu sawiin BSF headquarter campus bul maiah bomb hi tihpuah a nih thu an sawi.

He bomb puak hi hel pawl tih ni ngeia hriat a ni a, nunna chan ta te hi RIMS damdawi-in panpui an nih hnuah an hliam tuar lo in an boral zui a ni.

BSF pahnih nunna chan ta te bakah hian dawr nghaktu hmeichhe pakhat chuan hliam na tak a tuar thu official-te chuan sawiin damdawi-inah enkawl mek a nih tih an sawi.