Tripartite talk May 19-ah

Union Ministry of Home Affairs chuan Manipur state sorkar leh United Naga Council (UNC) chu May 19 hian district thar siam chungchanga inbiakna neih pui leh turin a sawm tih UNC official thuchhuah chuan a tarlang.

Inbiakna hi Senapati district headquarters-ah chawhma dar 11 aṭangin neih a ni dawn tih an tarlang bawk.

Sorkar laipui, UNC leh state sorkar hian hemi chung changa inbiakna an neih hnuhnun ber chu March 23 kha a ni tawh a, heta inbiakna an neih zawh hian inbiak leh hun atan April 27 chu ruat mah se Ministry of Home Affairs-in rokhawlhna an neih avangin inbiakna neih hun tur hi an sawn leh a ni.

Tripartite talk hi March 19, 2017 khan a hmasa ber atan an nei a, inbiakna neih tawh zawng zawngah hian Ministry of Home Affairs chuan an kaihruai zel a ni.

Manipur-a term hmasaa sorkarna siamtu, Ibobi Singh-a sorkar in district thar a siam an tum duh loh avangin UNC hian Manipur chak lakna kawng ber natio­nal highway chu ni 139 zet an lo dang tawh bawk.