Adani Group kutah Guwahati international airport hlan ta

Assam khawpui, Guwahati-a Lokpriya Gopinath Bordoloi International Airport enkawl hna chu kar liam ta Zirtawpni aṭang khan Adani Group kutah hlan a ni ta.

Airports Authority of India (AAI)-a airport director Ramesh Kumar chuan mawhphurhna hi chief airport officer thar Utpal Baruah hnenah a hlan a ni.

Kum 2018 khan sorkar laipui chuan ramchhunga airport paruk - Guwahati, Ahmedabad, Lucknow, Mangalore, Jaipur leh Thiruvananthapuram amite operation, management and development (OMD) chu kum 50 chhung atana privatise turin a lo ti tawh a ni. Heng airport paruk enkawl duha chhangtu zingah Adani Group hi thlan an ni a, kumin January 19 khan New Delhi-ah AAI nen inremna an ziak fel a ni.

Zirtawpni liam ta aṭang khan Lokpriya Gopinath Bordoloi International Airport enkawl, cheiṭhat leh mawhphurhna dangte chu airport operator thar, Adabu Guwahati International Airport Limited (AGIAL) kutah a awm ṭan ta a ni. Airport enkawl kawngah hian a tir kum thum chhung chu AAI hnathawkten an pui ang.