Nagaland-a PSA oxygen plant lian ber hawng

Nagaland-a pressure swing adsorption (PSA) oxygen plant lian ber, 1000 LPM chu Kohima-a Naga Hospital Authority (NHAK) ah hawn a ni.

State chhunga PSA oxygen plant lian ber hawnnaa thu a sawiah, urban development & municipal affairs depart-ment adviser, Neikiesalie Kire chuan sorkar laipui leh health department hmalakna avangin lawmthu a sawi.

Covid-19 hri chu a bo mai dawn lo tih sawiin, Kire chuan mipuite chu inveng chhunzawm zel turin a chah a, hei hi midangte an venhimna a ni nghal bawk a ni, a ti.

District hrang hrangah PSA plant chu siam a ni tawh a, dam lo enkawlna tur oxygen pawh an hnianghnar thei tawh dawn a, hei hian nunna tam tak pawh a chhanhim theih phah a beisei tih a sawi bawk.