AP sorkarin Eklavya model school enkawl turin NGO te MoU ziahpui

Arunachal Pradesh sorkar chuan Eklavya Model Residential School (EMRS) pathum enkawl turin NGO-te memorandum of Understanding (MoU) a ziahpui.

Heng school pathumte hi Kurung Kumey district-a Nyapin, Tirap district-a Khela leh Leparada district-a Tirbim-ah din an ni a, academic session thar aṭangin hawn an ni ang.

School enkawl tur hian Aruna­chal Pradesh Eklavya Model Residential School Society (APEMRSS) chuan NGO - Gyamar Art and Cultural Society, Arunachal Shiksha Vikas Samiti leh VKS Arunachal Trust te chu inremna a ziahpui. He hun hi chief minister Pema Khandu pawhin a telpui a ni.

CM Khandu chuan state educa­tion department chu sorkar school-te tuaithar lam ngaihsak turin a ti a, "NGO enkawl school-a thawkte nena khaikhin chuan sor­kar school-a zirtirtute hlawh hi a sang hle, mahse heng schoola zirna quality erawh a inthlau hle thung si a ni. Sorkar school ah chuan thiam na tak tak nei lo, certificate holder ringawt kan chher chhuak a ni," tiin sorkar school-a zirna chhe lutuk chu ngaihtuah zui a ngaih thu a sawi.

EMRS enkawl tura NGO-te an inpe thei chu lawmawm a tih thu sawiin, Khandu chuan tawnhriat ṭha tak lo nei tawh NGO-te chuan thingtlang lam naupangte hnenah heng school kaltlang hian zirna ṭha an pe thei dawn a ni, a ti.

EMRS hi sorkar laipuia tribal affairs ministry leh state sorkarin tribal zirlai, hmun kilkhawr zawka awmte hnena zirna ṭha pek an nih theihna tura an hmalakna a a ni. School dinna senso hi tribal affairs ministry hian a tum vek a a ni.