Assam leh Meghalaya minister-ten ramri tlawh

Assam leh Meghalaya minister-te kaihhruain state pahnih official-te chuan Inrinni liam ta khan ramri chungchanga buaina an neihna hmunte tlawhin an endik.

Assam water resources minister Pijush Hazarika, MLA Atul Bora leh Me­ghalaya deputy chief minister Prestone Tysong-te kaihhruai state pahniha senior official-te chuan Pilingkata, Ganeshnagar, Maikhuli, Patarkuchi leh Khanapara area-te an tlawh. Tual­chhung mipuite kawmin, ramri buaina an neih mek chungchanga a ngaihdante an zawt bawk.

Joint team hian state pahnih chief minister hnenah report an thehlut dawn a, an report aṭang hian CM-te hian thutlukna an la siam dawn a ni.