Indo-Bangla ramri km 97-a thui la hung lo

Tripura chief minister Biplab Kumar Deb chuan an state-a India leh Bangladesh inrina, km 97-a thui chu la hung loh a nih thu sawiin, sorkar laipui hnenah hung fel thuai turin a ngen.

Tripura Assembly session neih zawh takah pawh state sorkar chuan district pasarih chhunga ramri, km 97.379-a thui hi barbed wire hmanga hung turin sorkar laipui an lo nawr tawh bawk.

Tripura-ah hian Indo leh Bangladesh ramri km 856-a thui a awm a ni. Heng zinga km 700.77 chu barbed wire hmanga hung an ni tawh tih Home (Police) department changtu ni bawk, CM Biplab Kumar Deb chuan a sawi. Ramri la hung ve lohte hi sub-division 11 huam chhunga mi an ni tih CM chuan a sawi a ni.