Swarnim Vijay meichher- in Nagaland khawpui thleng
Kum 1971 indonaa India-in Pakistan a hnehna champha hriatrengna, Swarnim Vijay Varsh meichher chuan Thawhṭanni khan Nagaland khawpui, Kohima a thleng.
Victory flame hi Naga Hills War Memorial-ah Inspector General of Assam Rifles (North) Major General Viresh Pratap Singh Kaushik-a'n a lo dawng a ni. He meichher hi Jorhat, Assam aṭangin Inrinni liam ta khan Rangapahar Military Station of the Spear Corps, Dimapur-ah lak thleng niin, Thawhṭanni zing khan Kohima hi a thleng leh a ni.
Major General Viresh Pratap Singh Kaushik kum 2020, Decmeber 16-a National War Memorial-a prime minister Narendra Modi-a'n meichher chhit a lo dawng thei chu atana thil ropui leh hriatreng tlak a nih thu a sawi. He meichher hian kum 1971 indonaa tel sipaite chenna khaw hrang hrangte a kaltlang hnuah Kohima a thleng ve thei ta a ni, a ti. Kohima aṭanga 1971 indonaa tel, sipai pariatte zahna hlanin an huaisenna leh inpekna chu an hre reng a, midangte fuihtu an ni zel dawn tih a sawi. Victory flame hi Kohima aṭangin Manipur lam panpui a ni ve leh ang.