Dalai Lama-an Sikkim CM lawmpuina hlan

Tibetan spiritual leader Dalai Lama chuan Nilaini khan Sikkim Chief Minister Pawan Chamling chu lehkha thawnin ramchhunga Chief Minister ni rei thei ber a ni chu a lawmpui thu a ziak.

Dalai Lama chuan, "Chief Minister ni rei ber i ni thei hi ka lawmpui che a....kum 20 chuang zet chief minister i ni thei hi ka ngaisang hle che a ni", tiin a lehkhathawnah hian a ziak a ni.

Kum 67 mi Pawan Chamling hian April 29 khan India rama Chief Minister ni rei ber record siamin CM dinhmun hi kum 23 leh thla 4 leh ni 17 a chelhna chiah a ni a, he record chelh lai West Bengal Chief Minister Jyoti Basu record siam chu a khum a ni.

Chamling hian Decemebr 12, 1994 khan Chief Minister ni tur hian rinawmna thu a tiam a, hemi hnu hian Assembly term nga zet chu a zawnin Chief Minister a ni tawh.

Dalai Lama-an lehkha a thawnah hian Chamling chu Sikkim-a community hrang hrangte inkara remna leh muanna a awmtir theih avangin fakawm a tih thu a ziak a, hetiang kawngah hian hna a thawh chhunzawm zel a rin thu a ziak bawk.