IPFT state hrang ngiatah BJP in thawhpuina a nei lo: Pratima Bhowmik

Tripura Bharatiya Janata Party head­quarters-a Nilaini-a press conference neihah, party General Secretary Pratima Bhowmik leh party hruaitu dang Rajib Bhattacharjee leh Dr. Ashok Sinha te chuan tunhnaia BJP-IPFT thawhhona chhiat chhanah CPI(M) te chu an puh. Left Front chu development scheme TTAADC kalpui loah an puh bawk a, TTAADC chu Left Front kutah a la awm niin an sawi bawk.

Bhowmick chuan BJP leh IPFT inkara buaina awm chhanagh CPI(M) te chu an rinhlelh thu a sawi a, CPI(M) te chuan inthlan zawh hnu lawk khan BJP leh IPFT-te hi an zawm thu a sawi a, mahse heng activist-te hi an rilru tak tak chu CPI(M-ah a la awm avangin buaina hi an chawkchhuak ta niin a sawi.

Thawhlehni-a BJP leh IPFT inkara buaina chhuak ang kha chu a chhuak leh tawh dawn lo niin a sawi bawk.

Bhowmick chuan a tir aṭanga an dinhmun a chian thu sawiin socio-economic development a awm an duh avangin IPFT nena an thawhho thu a sawi a, state ṭhendarh chu an tum ngai loh thu a sawi bawk. State thar din chu IPFT thil tum a nih thu leh BJP in hetiang rilru an put loh thu a sawi a ni.