Quarantine dan bawhchhia jail-ah dah zel an ni ang : Manipur CM

Manipur chief minister N Biren Singh chuan quarantine centre-a awm mekte zingah sorkarin dan a siamte bawhchhia an awm a nih chuan National Disaster Management Act,2005 hnuaiah thubuai siamsakin, jail-ah dah zel an ni ang, a ti. 

Quarantine centre-a awm zinga ṭhenkhatin sorkar guideline siamte an zawm lo nia report a awm hnuah CM chuan he thu hi a sawi a ni. Nungchang ṭha lo leh dan zawm lote chu dim an ni dawn lo tih sawiin, Imphal-a Sajiwa Central Jail-ah dah an nih zel tur thu a sawi. Tun hnaiah Churanchandpur district-a quarantine centre-a awmte an party nia sawi a awm bakah, Thoulbal qurantine centre-a awmte chuan social distancing dante zawm loin, an awmkhawm bawk a ni. 

CM hian Thawhlehni khan Meitram, Imphal West-a UNACCO School-a Covid Care Center lailawk atana siam, khum 100 awmna chu a tlawh a ni.