Manipur BSF Camp bula bomb puak kaihhnawihah mi panga man

Manipur Police-te chuan kar hmasa Nilaini-a BSF camp gate bula bomb puak kaihhnawihah hel pawl People’s Revolutionary Party of Kangleipak (PREPAK) mi panga chu Zirtawpni khan an man.

He bomb puakah hian BSF mi pahnih in nunna an chan a, civil mi pathum in hliam an tuar bawk.

Director General of Police L.M. Khaute chuan an mi man zingah hian hmeichhia pahnih an tel tih a sawi.

DGP chuan Thoubal district police-te chuan PREPAK hel pawl mi T. Suresh chu a inah an va man tih a sawi a, thu an zawhfiah hnuah bomb tihpuahnaa inhnamhnawih te hming hi a sawi ta niin a sawi bawk. Bomb chu Ichan leh Aboy te kam a nih thu a sawi bawk niin DSP chuan a sawi a ni.

PREPAK-te hian Ninagni liamta khan he bomb puahnaah hian mawh an phur tih an lo sawi tawh nghe nghe a ni.