Tripura-a Bangladesh ṭhalai man te NIA in thu zawtfiah

Ningani liamtaa Tripura-a Bangladesh ṭhalai 24 lai mai man te chu National Investigation Agency (NIA) te chuan thu an zawtfiah.

NIA mi pahnih te hian Zirtawpni khan Agartala thlengin an mi man te hi thu an zawtfiah ngal a, an thu zawhfiahna hmun hi puanzar a ni lo a, ni eng emaw zat thu an la zawtfiah dawn nia sawiin firfiaka chetna nen inzawmna an neih leh neih loh an zawtfiah dawn niin an sawi.

An mi man te hian madrasa student an nih thu an sawi a, India ram chhungah hian West Bengal-a Petrapole-Benapole border aṭang­in kum khat liamta velah khan a hrang hranga an luh thu an sawi niin report chuan a tarlang.

Official thuchhuah chuan firfiak pawl lian tak nen inzawmna an nei maithei niin an tarlang.

An mi man te kut aṭang hian passport valid tawh lo leh madrasa aṭanga pekchhuah id card leh mobile phone bakah pawisa eng emaw zat an man a ni.