NE Journalist inpumkhatna turin hma la

Northeast India Federation of Journalists (NIFJ) chuan Inrinni khan thuchhuah siamin hmarchhaka journalist-te chuan inlungrual taka an hmaa chona awm te an hmachhawn ho a pawimawh thu an tarlang.

NIFJ thuchhuah chuan hmarchhaka journalist-ten extremist pawl hrang hrang, forest leh drug mafia, politician ṭhenkhat leh thuneitu lam mai bakah sumdawng pawl ṭhenkhat aṭangin vauna leh harsatna an tawh thu an tarlang a ni.

Hmarchhak journalist-te chuan hlawh mai bakah hamṭhatna an hmu chhe hle niin an tarlang bawk a, Working Journalist Act in a huam ve lo niin an thuchhuahah chuan an tarlang bawk.

NIFJ chuan journalist-te chu an nunna thap a hnathawk an nih avangin insurance leh compensation pek an ni ngei tur a ni tih an tarlang bawk a ni.

Hetih rual hian state sorkar-ten pension scheme an ṭansak chu lawmawm an tih thu an tarlang tel bawk.