Agartala-Akhaura Check Post Nakkumah hawng dawn

India leh Bangladesh inrinaa in­sum­dawn tawn­na lian ber dawt­tu Agartala-Akhaura check post chu thuam ṭhat mek a ni a, cafeteria, lawnga chuan theihna hmun leh visitor ga­llery-te siam mek a nih bak­ah border post-ah hian Indo-Bang­la land port-te pawh siam tura ruahman a ni bawk a, nakkumah chuan hei hi hawn hman an besei thu official-te chuan an sawi.

Agartala-Akhaura border-a Land Ports Authority of India Incharge Debashish Nandy chuan Ministry of Tourism’s Swadesh Darshan scheme hnuaia hmalakna a nih thu sawiin he border post hi Pakistan-a Wagah border entawna hmalak a nih thu a sawi.

Nandy chuan sorkar laipuiin he project atan hian cheng vaibelchhe 99 a sanction thu a sawi a, Tripura sorkarin project kalpui a nih dan an enpui dawn thu a sawi bawk.

Khualzin mi ten hun an hman theih nan cafeteria te, tui awmnaah te chuan lawnga chuanna an sawi dawn thu te leh entertainment park te pawh siam a ni dawn tih a sawi a ni.

Nandy chuan project hi nakkum March thlaah chuan an zawh hman a beisei thu sawiin visitor gallery hian mipui 2000 aṭanga 3000 vel chu a dawl zo dawn tih a sawi bawk.

Agartala-Akhaura Check Post hi Benapole leh Petrapole, West Bengal ami tih lohah chuan India leh Bangladesh insumdawn tawnna lian ber a ni.

Agartala leh Bangladesh-a Akhaura inkarah hian Railway chuan rel kawng km 12.03-a sei an siam mek bawk a ni.