Manipur-ah Myanmar mi 10 man

Manipur leh Myanmar inrina, Moreh khuaah Thawhṭanni khan Myanmar mi 10 lai mai man an ni a, heng an mi mante hi India rama phalna lehkha lem hmanga lo luh tum an nih thu police-te chuan an sawi.

Police-te chuan an mi man te hi hmeichhe panga leh mipa panga an nih thu an sawi a, an zinga mi pahnih hian zinna tur document-te pawh an buaipui niin a sawi a, mahse heng mi pahnih te pawh hi an man tho niin an sawi. An mi mante hi Moreh police kutah an awm mek tih an sawi bawk.

Tunhnaiah Moreh-ah hian ramdang mi man an ni zeuh zeuh a, Rohingya mi eng emaw zat dan loa ramchhunga lo lut an man tawh bakah Chinese pawh an man tawh bawk a, Myanmar mi eng emaw zat an man tawh bawk a ni.

Chief Minister N. Biren Singh chuan tunhnaia ramdang mi a ruka state chhunga lut an man tak zeuh zeuh avang hian Aadhaar card-te pawh enfiah a ngaih tawh thu sawiin, mi tlemte an nih avangin ramdang miin an chimbuai nasat theih thu a sawi. Ramri-ah leh airport-ah te pawh venhimna khauh taka kalpui a nih dawn thu a sawi bawk.