Manipur-ah Helhoin mi pali kaphlum

Manipur-a Kangkokpi district-a B Gamnom khuaah Thawhlehni khan mitthi inkhawma telte chu helhoin an pawng kah a, mi pali an kaphlum a, mi dang pahnihin hliam an tuar. Thi zingah hian naupang kum riat mi a tel a, MP Khullen khaw chief pawh kahhlum a ni tel bawk.

Thawhlehni tlai khan G.Gamnom ground-ah hian Pathiannia security force-ten an kahhlum, Kuki National Liberation Army (KNLA) member pali zinga pahnihte vuina inkhawm buatsaih a ni a,he hunah hian mi ṭhahnem tak an tel a ni. Awmkhawmte hi hel nia hriatte hian an pawng kah ta a ni. He pawikhawihna thlen hnu hian B Gamnom khaw mite hi an ṭhenawm khaw hrang hrangah an tlanchhe nghal a ni.

Chief minister N Biren Singh chuan Gamnom khuaa thil thleng hi a dem thu sawiin, firfiaka chetna rapthlak tak a ni, a ti. Democracy ramah tharum thawhna hi hmun a chang lo a, pawikihawihtute chu na taka a dem thu sawiin, he thil thleng avanga tlanchhia khawchhung mite chu sorkarin a venhim tur thu a sawi bawk.

Police officer-te chuan tualchhung mipuite himna tura a ṭul anga hma la tura hriattir nghal an ni a; Army, Assam Rifles leh Manipur police official-te pawh pawikhawihna thlenga inhnamhnawihte laka action na taka la nghal tura hrilh an ni.