Manipur : Harsatna neite tan direct-a CM biak theihna siam

Manipur chief minister N Biren Singh chuan Thawhlehni khan state mipui, harsatna neiten an harsatnate sawipuia an biak theihna tur, ‘CM Da Haisi’ or ‘Let’s say to CM’ public helpline a tlangzarh.

‘Let’s say to CM’ public helpline number an tarlan aṭangin state mipuiten direct-in CM leh a office hi an bepawp thei dawn a ni. Thawhlehni vek khan helpline number-ah hian CM hi mi pathumin an be zui nghal a ni.

Singh chuan Covid-19 hri leng vanga welfare scheme hrang hrang hnuaia hamṭhatna dawn turte, kawtkai ngeia pek tuma hmalakna chu duh anga a kalpui theih loh avangin he platform hi siam a ni tih a sawi. Hemi hmang hian sorkar leh mipuite chuan inpawhna ṭha tak an neih theih tur thu a sawi.

Helpline hi zing dar 8 aṭanga zan dar 8 thleng hawn ṭhin niin, thla thum chhungin state chhunga chhungkaw 50% tal chu an biak theih a beisei thu CM chuan a sawi. Hmasawnna tura an hnathawh kawnga mipuite chu an theih anga sorkar thawhpui zel turin a sawm nghal bawk.