Sikkim leh Tripura HC chief justice thar lalut

Sikkim High Court leh Tripura High Court chief justice tharte chu Thawhlehni khan rinawmna thu tiam tira lakluh an ni.

Sikkim governor Ganga Pradas chuan Gangtok-a Raj Bhawan-a Ashirwad Hall-ah justice Biswanant Somadder chu Sikkim High Court chief justice thar atan a lalut a ni. He hun hi chief minister Prem Singh Golay, Sikkim HC judge - justice Meenaskhi leh justice Bhaskar Raj Pradhan bakah Sikkim Legislative Assembly Speaker LB Das, cabinet minister, MLA leh department hotuten an hmanpui.

Justice Somadder hi Sikkim High Court-a sawn a nih hma hian Meghalaya High Court-ah chief justice a ni.

Thawhlehni vek khan Tripura governor Satyadev Narayan Arya chuan Agartala-a Raj Bhawan-ah justice Indrajit Mohantu chu Tripura High Court chief justice thar atan a lalut bawk.

Tripura chief minister Biplab Kumar Deb, deputy CM Jishnu Dev varma, union minister Pratima Bhowmik leh minister dangten chief justice thar lakluh inkhawm hi an hmanpui a ni.

Justice Mohantu hi Rajasthan High Court aṭanga sawn a ni a, Tripura High Court chief justice parukna a ni.