Sikkim-in khuahkhirhna hlip, Oct 18 aṭangin school hawng vek dawn

Sikkim sorkar chuan hri leng vanga state dang nena inkalpawhna kawnga khuahkhirhna a siamte chu a hlip a, state pawn lam aṭanga lut turte tan RT-PCR negative test report emaw, vaccination certificate emaw neih kher a ngai tawh lo.

State chhunga hri lengin ziaawm lam a pan chhoh zel avangin sorkar chuan khualzinte khuahkhirhna a siam hi a hlip a, hunpui lo thleng chho turah state pawn lam aṭang pawhin khualzin an luh an beisei a ni.

Education department pawhin thuchhuah siamin, October 18 aṭangin Lower KG-Class 8 hawn an ni ve leh dawn tih a sawi. September 17 khan Class 9-12 te chu school kal ṭan tir an lo ni tawh bawk.