Assam : Amir Shah hmuahnaah KMSS in flag dum lo vai dawn

Assam-a pawl pakhat Krishak Mukti Sangram Samiti (KMSS) chuan Pathiannia BJP national president Amit Shah-an Assam a tlawh hunah flag dum hmanga chibai lo buk an tum thu an sawi.

KMSS hruaitu Akhil Gogoi chuan May 20, Pathianni hi Assam chuan Citizenship (Amendment) Bill, 2016 an duh lohzia lantir nan black day atan an puang dawn tih Nilaini khan a sawi.

Gogoi chuan BJP in he Bill hi hman an tum thu sawiin he Bill hi Assam mipui tan chuan harsatna a nih dawn thu a sawi bawk.

Gogoi chuan BJP kaihhruai state sorkar chu Bill dodal phalna pe tura an duh thu a sawi a, tharum thawhna a thlen dawn loh thu leh an member-te chuan Amit Shah chu LGBI Airport alo thlen hunah flag dum an lo vai khum mai dawn tih a sawi a, eng slogan mah an aukhum dawn lo tih a sawi.

BJP committee thuchhuah chuan Pathianni hian Amit Shah hian Srimanta Sankaradeva Kalak­shetra meeting-a tel turin Assam a tlawh dawn tih an sawi a, hemi vang hian KMSS hian thuchhuah hi an siam ve ta nghal a ni.

Gogoi chuan 2014 Lok Sabha inthlanah khan Prime Minister Narendra Modi chuan ram dang mi zawng zawng chu May 16 hma in chhuahtir vek an ni dawn nia a sawi thu a sawi a, kum li a liamna chiah a nih tawh thu leh tun thleng pawha ramdang mi chhuahtir an la nih loh thu a sawi. Chhuahtir a hnekin khua leh tui nihna pek te BJP chuan an la tum deuh deuh niin a sawi a, Assam mipuite chu an rilru thianghlim hle mah se mi a an ni lo tih a sawi.

KMSS hotupa chuan BJP chuan NRC pawh an tikhawlo dawn nia an rinhleh tur thu a sawi a, Assam mipuite chu an inlung­rual a hun tawh tih a sawi bawk.