Meghalaya cabinet in Directorate of Food Processing din remti

Meghalaya cabinet chuan Nilaini khan Department of Agriculture hnuaia Directorate of Food Processing din tura ngenna chu a remtih thu an tarlang.

Deputy Chief Mi­nister, Prestone Tynsong chuan cabinet chuan he­mi chungchang hi uluk taka an ngaihtuah hnuah Agriculture in Food Processing department hrang din an dilna chu an pawm thu a sawi.

Dy CM chuan ser­thlum, alu, lakhuihthei bakah black pepper, tomato leh thlai dang thar kawnga hmasawnna nasa zawk a awm theih nan directorate hran din chu a pawimawh tih a sawi bawk. Tynsong chuan directorate thar chuan state chhunga food processing kaihhnawih zawng zawng chu an enkawl dawn tih a sawi.

Hemi rual hian Cabi­net chuan Meghalaya Health Service Rules, 1990 dan siamṭha tura ngenna pawh chu an pawm nghal bawk a ni.