Manipur leh Meghalaya-ah Congress in sorkar siam ngiat dawn

Manipur leh Megha­laya-a Congress hruaitute chuan Ningani khan thu­chhuah siamin Assembly inthlan hnuhnug bera seat la hnem ber an nih chang­chawia sorkar siam an ngiat leh dawn thu an sawi.

Congress hruaitute chuan tunhnaia Karnataka inthlana seat la hnem ber BJP chu sorkar siam tura koh a nih avangin Congress pawhin hetiang chiah hi an phut ve tih an sawi a ni.

Kumin February thlaa Megha­laya Assembly inthlanah khan National People’s Party chuan seat 19 chiah la in Congress hian seat 21 an la thung a, mahse NPP hi sokarna siam tura koh an ni ta zawk a ni.

Manipur Chief Minister hlui leh Congress hruaitu ni bawk Okram Ibobi Singh pawhin sorkarna siam an ngiat leh dawn thu a sawi a, nikum March thlaa Manipur Assembly inthlanah khan Congress hian seat 28 an lak laiin BJP hian seat 21 an la thung a, heti chung hian BJP chu sorkarna siam tura koh an ni thung.

Ibobi Singh chuan Kar­nataka-a thil thleng chung­chang chu sawi chhuakin BJP sorkarna siam tura an koh laia Congress leh JDS ṭangdun koh an ni lo chu a dem thu a sawi bawk.