AP : BRO in China border thleng kawngpui siam

Border Roads Organisation chuan thuchhuah siamin kawngpui siam hna chu an chhunzawm thu leh Arunachal Pradesh-a Upper Subansiri district-a Indo-China border-a Taksing thleng kawngpui an siam thu an sawi.

BRO chuan Lemiking piaha kawngpui siam harsa tak Tama Chung Chung Taksing chu May 9 khan an siam thlen tawh thu an sawi a, kum kua zet harsa taka kawngpui siam hna hi an thawh thu an sawi bawk.

Commander of 23 Border Roads Task Force (BRTF) Col Tanish Kumar chuan BRO team ten Lemiking aṭangin tunhnai khan Taksing an thlen tawh thu a sawi bawk a ni.

BRO thuchhuah chuan kum 2009 aṭang khan kawngpui siam hna hi ṭan a nih tawh thu an sawi a, boruak inlumlet leh a hmun khawkrawk avangin hasratna nasa tak an tawk tih a sawi.