Security force-ten hel panga leh ralthuam man

Assam Rifles-te chuan hel pawl laka beihpui an thlaknaah, darkar 72 chhungin Arunchal Pradesh, Assam leh Nagaland-ah hel panga an man a, an zinga pali hi NSCN-K(YA) mi leh sa an ni.

Security force-te hian Nagaland-a Mon khuaah NSCN hel pathum hi an man a, helhoin pawikhawihna thlen an tum pawh an dang a ni. Hel pathum mante hi Yunah Konyak; Tonpho Konyak alias Aton; leh Songam Konyak te niin Myanmar khua leh tui nia sawi a ni. Tualchhung police te hnen aṭanga thu an dawn bawhzuiin, 35 Assam Rifles chuan hel pathumte hi border town-ah man a ni.

Defence official-ten an tarlan dandin, Yunah Konyak hi Myanmar-a Thela khaw mi a ni, Tonpho Konyak leh Songam Konyak-te hi Kamka khua ami an ni.

Indian Army leh police-ten joint operation an neihah Arunachal Pradesh-a Changlang district-a Miao reserve forest area aṭangin NSCN-K (YA) hel pakhat an man bawk a, a kut aṭang hian 22mm pistol leh a mu bakah, ralthuam dangte man tel a ni bawk.

Assam-a Tinsukia district-ah NSCN(IM) hel pakhat chu security force-ten an man bawk a ni. Security force-te hian hel an awm thu an dawn avangin, Tinkopani Reserve forest-ah beihpui an thlak a ni. Hel an man kut aṭang hian 7.65mm pistol leh a mu, safety fuse, detonator leh puakthei thil gram 250 an man tel bawk a ni.