Hmarchhak bialah forest area a kiam nasa

US-a University of Maryland-in forest change data a tihchhuahah, India rama forest area chu kum 2001 aiin kum 2020-ah hectare 1,43,000 velin a kiam a, hemi kum chhunga forest area tlakhniamna hi 4.6% a tling pha.

India ram zingah hmarchhak bial chuan forest area hi kiam nasa berin, hectare 1,10,000 a zau a hloh pha a ni.

Report-in a tarlan danin, kum 2001-2020 inkara hmarchhak biala forest area kiamna hi India ram puma a kiamna aṭanga 5-15% vel a tling.

Hmarchhak state zingah Assam chu forest area kiam nasatna ber niin 2001-2020 inkara a tlakhniamna hi 14.1% a ni. Hemi rual hian forest area kiam chakna ber hi Nagaland leh Tripura-te an ni thung.

He zirchianna neihna atan hian University of Maryland-a researcher-te chuan satellite image maktaduai chuang an hmang a ni.