Guwahati Central Jail-ah Assam MLA Sherman Ali

Assam MLA Sherman Ali chu Chief Minister Special Vigilance Cell (SVC) in ni nga an kawl hnuah Guwahati Central Jail-ah dah a ni dawn.

Sherman Ali hi kum 1983, February thlaa Assam Agitation neih ṭuma ṭhalai pariat thatte chungchanga a thusawi avangin tun thla tir lam khan police-ten an man a ni. A thusawi avang hian a party, Congress pawhin party kalphung kalha a chet avangin an suspend tawh bawk.

MLA Ali hi SVC hian MLA fund tichingpena puh chungchangah a man nawn leh a, court-ah hruaiin thu zawhfiah tura ni nga an kawl phalsak a ni. Hemi hnu hian SVC-in an kawl zui zel a ṭul tawh lo niin an sawi a, central jail-ah dah a ni dawn a ni.

Sherman Ali hi Baghbar assembly constituency aṭangin MLA term thum thlan tlin a ni tawh a, a hma chuan All India Democratic United Front-ah a awm a, kum 2016 aṭang khan Congress party ticket-in thlan tlin a ni thung.