Manipur CM-in flagship programme thar a hawng

Manipur chief minister N Biren Singh chuan Inrinni liam ta khan a kaihhruai BJP sorkarin education system siamṭhatna tura flagship programme a siam thar, STAR Education Manipur tih chu a hawng.

He programme kaltlang hian zirna ṭha leh changtlung zawka kalpui tum a ni a, innovative technology leh data-drive platform te hmangin, zirna hmanrua ṭha zawk, training ṭha leh awmze nei zawk bakah coaching chu zirtirtu leh zirlai hruaitute pek an ni dawn a, support team te dah an ni ang.

Imphal-a STAR Education Manipur hawnna inkhawm buatsaihah hian state education minister S Rajen Singh, secretary to chief minister N Geoffrey, education director L Nandakumar leh mi pawimawh dang eng emaw zat an tel a ni.

CM chuan education system chu a inthlak tawh thu sawiin, a hmaa sorkar hna chauh hmathlira an lo neih ṭhin chu danglam tawhin, tunah chuan hmathlir zau tak a nei tawh a, sorkar hna ringawt ni loin midang tana hna siamtu nih te, ram tana ṭangkai taka thawktu nihte chu an thlir tawh zawk a ni, a ti. Sorkar hmalakna thar hian zirtirtute pawh a ṭha lam hawiin a pui thei dawn tih a sawi.