Manipur-in Covid vaccine late tan TV leh mobile phone man theihna siam dawn

Manipur-a Imphal West district thuneitute chuan Covid-19 vaccine pekchhuah runpui an neih turah vaccine la te tan TV set, mobile phone leh blanket-te man theihna remchang an siamsak dawn.

District official-te chuan mi tam zawkin vaccine an lak theihna turin October 24, October 31 leh November 7 hian district chhunga centre pathuma mega vaccination camp an buatsaih dawn a ni. Slogan 'Get a shot, win a prize' tih hmangin heng camp buatsaih nia vaccine la te tan hian thil man theihna an siamsak dawn a ni.

Mega camp buatsaih ni hian kum 18 chin, vaccine dose khat emaw, a dose hnihna tur emaw la turte chu an tel phalsak vek a ni.