Durga Puja chhungin Assam-ah chetsualna vawi 500 chuang thleng

Assam sorkar chuan Durga Puja lawmna aṭanga hri a darh leh a hlauthawn avangin khuahkhirhna khauh tak a siam a, hetihlai hian puja lawm chhung hian state chhungah road accident ṭum 500 chuang a thleng.

State emergency services-in report a tihchhuahah, puja vuakvetah road accident vawi 541 a thleng hman a ni. Heng chetsualnate hi October 11 -15 inkara thleng an ni.

Kamrup Rural-ah road accident hi tum 49 thlengin, Golaghat district-ah vawi 48, Sonitpur leh Tinsukia district-ah vawi 32 ve ve a thleng bawk. Navami ni, October 14 khan road accident 137 awmin, nikhata chetsualna a thlen tam ber ṭum a ni.