Meghalaya CM-in deficit budget pharh

Meghalaya chief minister Conrad Sangma chuan Ningani  khan Legislative Assembly-ah 2020-21 fiscal atana state deficit budget cheng vaibelchhe 1,532 a pharh. 

Budget pharhtu, finance ministry changtu ni bawk, CM chuan kum 2020-21 atana total expenditure atan cheng vaibelchhe 17,432 ruahman niin, heng aṭang hian development budget-ah cheng vaibelchhe 8,616  dah a nih thu a sawi. Budget tharah hian chhiah lakna tur siam belh a ni lo. 

Kum 2020-21 atana sorkar sum hman tura ruahman Rs vbc 17,375 aṭangin revenue receipt-ah Rs vb 15,353 leh capital receipt-ah Rs vbc 2,022 dah a ni. Fiscal year chhunga sum indaih lohna tur, Rs vbc 1,532 hi GSDP aṭangin 3.53% a tling tih Sangma chuan a sawi. 

Budget pharha tarlan tlangpuite :

e     PMGSY scheme hnuaia rural road km 1,674 a thui siam mek chu financial year chhunga zawh hman.

e     Kawngpui enkawl zuina tur programme thar siam niin, hemi atan hian Rs vbc 50 dah a ni. 

e     Kawngpui leh lei puala development budget atan Rs vbc 1,084 dah a ni.

e     State development budget for Water supply atan Rs vbc 135 dah a ni.

e     Sorkar building hrang hranga solar panel dahna turin Rs vbc 15 dah a ni.

e     Shillong leh Tura khawpui cheimawi hna thawhna atan Rs vbc 10 dah a ni a, cleaning and waste collection system thar duan a ni bawk. 

e     Infrastructure project hrang hrang - New Shillong-a Technology Park, Assembly building leh Shillong International Center for Performing Arts and Culture (SICPAC) atan Rs vbc 46 dah a ni

e     Promotion for Early Childhood Education atan Rs vbc 10 dah a ni

e     State chhunga Anganwadi center 5,896 te chu tihchangtlung an ni ang

e     Smart classroom 100 siambelhna atan Rs vbc 10 ruahman a ni

e     Meghalaya Outcome-oriented transformation in health, education, and rural development (MOTHER) program atan Rs vbc 2.5 dah a ni

e     Meghalaya Health Insurance Scheme chu chhungkaw khat tan Rs nuai 5 ah tihpun a ni

e     Rural area-a health infrastructure tihhmasawnna turin Rs vbc 50 dah a ni.