Meghalaya-ah public transport, dawr leh bazar khar

Meghalaya sorkar chuan tunlaia hri leng, Covid-29 laka invenna kawng khat atan nizan zanlai aṭanga zanin zanlai thlengin public transport, dawr, bazar leh sumdawnna hmunte khar vek turin nimin khan thupek a tichhuak. 

State sorkar chuan coronavirus kai hi an state-a hmuh la awm lo mah se, mipuite chu khawvelin a buaipui mek  he hri leng laka an him theihna tura inzirtirna ṭha leh zau zawka kalpui a tum bawk. 

Hri leng laka an him theihna turin East Khasi Hills Deputy Commissioner chuan an district chhungah mi panga aia tam punkhawm khapna, CrPC Section 144 a puang a ni. He thupek hian security force leh medical team te a huam lo ang.