Senapati-a bandh huaihawtin nunphung tibuai

Manipur-a Senapati district-ah Ningani khan NSCN-IM hel panga mante chhuah phutin bandh huaihawt a ni a, National Highway-2-a motor tlante dan an ni a, Senapati khua leh a chheh velah mipui nunphung a buai phah a ni. 

NSCN-IM panga te hi Nilaini khan Senapati district-a Paomata area-ah Assam Rifles sipaiten a man a ni. 

Bandh hi Ningani chhun dar 12 aṭanga tlai dar 5 thleng khan huaihawt a ni a, hel pangate hi bail-a chhuah an nih hnuah nawrh hi tihtawp zui a ni. Hel an mante lakah hian thubuai ziahluh a ni a, mahse eng ang thubuai nge siamsak an nih erawh tarlan a ni lo.