Manipur police-ten ralthuam leh ruihhlo Rs nuai 40 hu man

Manipur police-te chuan hmun pahniha beihpui an thlaknaah silai leh a mu bakah ruihhlo eng emaw zat a man.

Imphal East MP Ningthoujam Herojit chuan chief minister N Biren Singh thupek angin Manipur police leh Assam Rifles-ten Andro area-a joint operation an neihnaah silai leh a mu hi an man tih a sawi. An thil matne hi AK rifle pakhat leh magazine, 9mm pistol pahnih leh 'Made in Japan' tih inziahna magazine pahnih, wireless set, detonator 18 leh silai mu bawm 15-te an ni.

Imphal East police-te chuan Hatta Golapati-ah auto-rickshaw-a chuang mi pahnih hnen aṭangin ruihhlo an man bawk a, an ruihhlote sahbawn bawm 20-ah an lo thukru a ni. Heng ruihhlo neitu mi pahnihte Porompat police station-ah hlan nghal an ni.