Sikkim-ah LKG-Class 8 ten school kal ṭan

Sikkim sorkar chuan Covid-19 kaihhruaina dan khauh taka zawm chungin Thawhṭanni aṭang khan Lower KG - Class 8 zirlaite chu school a kal ṭan tir ve leh ta.

September 27 aṭang khan Class 9 -12 te chuan school hi an lo kal ṭan tawh a ni.

Education Department chuan LKG-Class 8-te school kal ṭan ni hian zirlai kal pawh an ṭha hle tih sawiin, school hotute chu hri laka invenna tur kaihhruaina siamte ṭha taka zawm tura ngen an ni tih a sawi.

School-ah hian zirlai naupangte hi 50% zela kaltir niin, a ni inchhawka kaltir an ni. School kal tur hian tihluihna a awm lo a, nu leh paten an remtihpui a ngei bawk. Classroom-a awm thei chin bithliah pawh boruak awm dan azirin tihpun chhoh a nih tur thu state sorkar chuan a sawi a ni.