Manipur-a bandh in nunphung tikhaihlak

Manipur-a Joint Action Committee (JAC)-te chuan Imphal East District Hospital Sagolmang area-a sawn ngiat avangin darkar 36 chhung bandh an huaihawt a, Inrinni leh Pathianni khan Manipur hmun ṭhenkhatah chuan hei hian nghawng a nei nasa hle a, nunphung a tikhaihlak hle niin report chuan a tarlang.

Inrinni zing dar 5 aṭang khan bandh hi neih ṭan a ni a, nimin chawhnu thleng awh tura tih kha a ni.

Bandh huaihawt hian Imphal leh Ukhrul inkar kawngpui chu a nghawng nasa a, kawngpui hi thingbung leh tyre hmanga dan a nih bawk avangin zirna lam mai bakah commercial activity nasa takin a nghawng niin report chuan a tarlang bawk.

Hetih lai hian Imphal bazar lamah chuan nghawng lian tham a nei lem lo a, bandh avanga buaina thleng report a awm lo thung. Sagolmang damdawi in sawn tura sorkarin thutlukna a siam avang hian nasa takin mipuite chuan an lo dodal tawh bawk.