AP : PPA in sorkar dem

Arunachal Pradesh-a eptu pawl pakhat People’s Party of Arunachal (PPA) chuan Zirtawpni khan thuchhuah siamin, tualthah case tam tak chhuichhuah a nih loh avangin state sorkar chu an dem thu an sawi a, case ṭhenkhat phei chu pawimawh tak tak a nih thu an sawi.

PPA thuchhuah chuan tuhnai kum engmaw zat chhung khan state chhungah tualthahna a thlen nasat thu an tarlang a, heng case zinga a tam zawk hi chu chhuichhuah loh a la nih thu leh police department thiam loh pawh a ni maithei a, mahse case ṭhenkhat hi chu thuneitu ṭhenkhatin an hupbeh sak avangin police department lamin hma an la thei lo a ni, an ti.

PPA chuan Migrik Lomi, Toko Yame, Ojing Taying, leh Ngurang Pinch-a tualthahna thleng chung­chang te pawh an sawichhuak a, Tawang-a inkahna thlenga nunna chan ta chhungte pawh an tawrhpui thu an sawi bawk.

Case ṭhenkhat chu witness an awm loh avangin chhuichhuah a harsat thu tarlangin PPA chuan hetih lai hian mita hmu tu ngei an awmna case pawh chhuichhuah a nih loh thu an tarlang.

Case ṭhenkhat, mitthi chhung­ten CBI chhuitir tura an ngen lawm lawm pawha state sorkar in CBI kohluh an remti ṭhin lo chu thil hriatthiam harsa tak a nih thu an tarlang bawk a ni.