Kiren Rijiju-an Dimapur-a Assam Rifle hmun tlawh

Union minister Kiren Rijiju chuan Inrinni khan Dimapur-a Assam Rifle hmun chu tlawhin hmarchhak venhimna kawnga an hnathawh chu thil pawimawh tak a nih thu a sawi.

Minister of state (MoS) for home affairs hian Dimapur-a Sukhovi hmuna Assam Rifles Training Centre and School-a attestation parade neihnaah thu sawiin, Assam Rifle chu ramchhunga paramilitary force upa ber a nih thu leh mipuite tana hmasawnna thlenna kawngah leh venhimna kawnga an hnathawh chu thil pawimawh tak a nih thu a sawi bawk.

Hmarchhak-a venhimna leh ral­muanna an thlenna kawnga an hnathawh chu fakawm a tih thu sawiin, Assam Rifles ten an hmabak ṭha taka an hlen avanga award-te pawh an dawng hial ṭhin chu lawmawm a tih thu a sawi a ni.

MoS chuan Asam Rifle-te chu an hna ṭha taka thawh chhunzawm zel tura chahin an hmingṭhatna chu chhawm nung zel turin a fuih bawk a, an puanzar chu sang taka zar in “Sentinels of the North East” leh “Friends of the Hill People” thlarau chu chhawm nung zel turin a chah bawk.

Minister hian ‘Mahila’ sipai lakthar te training nei lai a en bawk a ni.

Kiren Rijiju hian a hma in passing out parade neihaah award a lo sem tawh bawk a ni.