Sikkim CM-in vice president Naidu hmu

Sikkim chief minister Prem Singh Tamang chuan Ningani khan New Delhi-ah India vice presi­dent M Venkaiah Naidu a hmu. 

CM Tamang hi Sikkim Lok Sabha member Indra Hang Subba, secretary to the CM SD Dhakal leh New Delhi-a Sikkim House Resident Commissioner AK Chand-ten an ṭawiawm. 

CM chuan Vice President hi kumin March thlaa Sikkim tlawh turin a sawm a, a sawmna hi Naidu pawhin a lo pawm a ni. Naidu hi Thakurbari Temple sak thar hawng tur leh, SRM University convocation vawi hnihna hmanpui turin a sawm a ni. 

Vice president Naidu chuan an ram leilung humhalhna kawnga Sikkim hmalakna te, state chhunga hmasawnna hna kalpui a nih danah Sikkim a fak thu a lo hrilh a ni.

CM pawhin nikum chhunga Sikkim tlawhtu khualzin, ramchhung leh rampawn lam aṭanga an pun nasat thute a hrilh a, state mamawh hrang hrangte chu Vice President hi a sawipui bawk.