Nirmala Sitahraman-in Nagaland tlawh a ṭhulh

Defence minister Nir­mala Sitharaman chuan Pathianni khan Nagaland tlawh-a India-Myanmar border tlawh turin ruahman­na siam mah se a chuanna tur IAF Embraer-135BJ Legacy jet-ah chuan an kal dawn ṭepah a khawl lamah harsatna a awm avangin a ṭhulh thu a sawi.

Embraer-135BJ Legacy jet pilot chuan Palam airport aṭanga New Delhi a panna lamah warning signal a awm thu a sawi a, official-te chuan harsatna lian tak erawh a nih loh thu sawiin pilot chu hemi kawnga thutlukna siamtu pawimawh ber a nih thu an sawi ve bawk.

Defence Minister hian Pathianni khan ramri-a venhimna kalpui dan enfiah a tum a, program pawh siam vek tawh mah se a ṭhulh leh phah ta a ni.