Tripura sorkarin CM thuziak school zirlaiah telh a tum

Tripura sorkar chuan chief minister Biplab Kumar Deb-a'n Tripura lal hnuhnung ber, Bir Bikram Kishore Manikya Bahadur chanchin a ziahnaah article ṭhenkhat chu school zirlaibuah dah tel a tum.

Education department official pakhat chuan hemi chungchang hi sawiin, "Department chuan Chief Minister lehkhabu siama a thu ziak ṭhenkhatte chu zirlaibuah dah tel tum a ni," a ti a, hei hi NGO Vivekananda Vichar Manch ngenna vang a nih thu leh, CM Deb hian a pawmpui ve leh phawt a ngai dawn a ni, a ti.