Sikkim : Bhaichung Stadium hawn hun tur sawn hla

Vice president Venkaiah Naidu-a'n nimina Sikkim state tlawh a tum chu khaw chhiat avangin a sawn hla a, hei vang hian Bhaichung stadium hawn tur pawh sawn hlat ve nghal a ni.

Naidu hian ni hnih chamin Sikkim hi tlawh a tum a, a cham chhung hian footballer Bhaichung Bhutia hming chawia Namchi, South Sikkim-a stadium siam chu a hawng ang.

Sikkim sports and youth affairs secretary Raju Basnet chuan Vice President-in a kal hun tur a sawn avangin Bhaichung Stadium hawn hun tur pawh sawn hlat a ni ve nghal tih a sawi a, October 22-ah hawn a ni dawn a ni.

Sikkim CM Prem Singh Tamang-Golay chuan Bhai­chung Stadium hi a hmunah pawh a lo enfiah tawh a ni.

He stadium hi Sikkim-a Internationale de Football Association (FIFA) certified stadium hmasa ber tur a ni a, Bhaichung Bhutia pianna khua, Tinkitam aṭanga km 25 vela hlaa awm a ni.